Poolise dagate keerenna hobbaate agarsiisate, hallanyootu, dagate owaante uytanno mootimmannitanna mootimmannita ikkitinokki uurrinshubba aana gawajjo iillitannokki gede gargarte e'ino yawo noonsa dagate owaante uytanno soqqamaanoti.
Poolise uurrinshate gede lame qara sokko noose uurrinsha ikkitanna iseno, jaddo kalaqantara albaanni balanxe gargaranna jaddo kalaqanturo kalaqantino jaddo qortote buuxo assate. jaddo kalaqantara albaanni balaxe gargara yaa dagate beeqqonni loonsanni dagate mereero jaddote bunshe hedo cu'mishiitenna rosiisatenni gargarranni hayyo ikkitanna mitte jaddo kalaqanturo tenne jaddonni gawajjo iillituro gawajjo iillishinohu ewelummanna horonsirino hayyo leellishshanno taje gamba assine mannoommite qoosso agarantino garinninna seeru doogonni qorto buuxo assatenni seeru allaalshinna yoote mine ledo qinaawatenni hunaanote rosicho aanno qoricha afidhanno gede assate.
Qoqqowinke daga kaimu hexxo ikkitinno seeru aliidimma aana xintantino miinju poletiku dagoomu guutimma gatamarate hexxo loosu aana hosiisate hallanyunna gaamote qasootu qoossonna keeraanchimma ayirrasa buuxanturooti calla ikkasinni konnirano qoqqowu poolise xaphoomu biddishshi dagate ledo halamatenni seeru aliidimma ayirrisiisate jaddo kalaqantara albaanni xiinxallotenna hayyotenni daga uytano hedo kaima assateni kalaqantara dandiitanno jaddo balaxe gargarate looso loosanni afamanno.
Dagate sharronni daggino soorro gobbannke dimokiraasete reekko widira reekkitannota ikkasenni qoqqowinkera hegeraamo keerenna jireenyu safo tuggatenna owaatamano dagara uurrinshate aana heeranonsa kooffeenya hegerse tirate giddoydi loosu harinsho keenne tantanote soorro assateni dagate ammanamooshunni loosa hasiissanno. muli yanna kawa qoqqowinke mootimma poolisete owaante slanchonna dagate iillitinota assate hasiissanno qaafo adhatenni yannite poolisete tantano ijaarsate loossanni afantannoha ikkanna poolisennihu jawu qeechi dagate mereero jaddo kalaqantannokki gede loosate yawo fulate.
Qoqqowu poolise dagate keerenna hobbaate agarate dandisiissanno addi addi tekinoloojenni uurrinsha yannillite asse kaajishate illacha tungoonnita ikkasenni manu jiro danchu amanyootinni woyyaabbinore, danchu uurrinshinna mannimmate guuntenni ikkadda ikkitinore uurrinshate laashshate filate wodho amanyooti halalaancho doogonni loosu aana hosa hasiissannota uurinshatenni diriirisinoonni assoote keenatenni aantete raga woranni hara hasiissanno.
Uurrinshanke Itiyoophiyu albisaacho poolisete uurrinsha assate lamala istiraatejikete hajubba kaimi ajuuja loosu aana hosiisate poolisete sokko barrunni 24 sa'ate lamaletenni 7 barra loosate loosa hasiissannota xawisanni baalunku qoqqowinke daga, uurrinshanke albiidi massagaannonna miilla tenne sokko co'immatenna ammanamooshshunni fultinanni gede yaanni galateemmo!
Komishiinere Tesfaye Deebiso | Qara Hajajaancho
