Hasaawu battalara aliyye sidaami zoone poolisete biddishshi hajajaanchi Qa/i/r Mulgeeti Gaddihu, Biddishshu albiidi massagaano hattono quchumuna woraddate poolisete alibiidi massagaanonna afantinowa harinsooni. Aliyye zoone poolisete biddishshi hajajaanchi Qa/i/r Mulugeeti Gaddihu hasaawu battalara 6 agani bocu diri loosu jeefishshi keeno hasaawa faajjeteni fane mootimma illacha tuggino loosu qeecha ikkadimatenni fulate mixote jeefishshi keeno assa hasiissanota coyiirino. Dagate uyiinanni owaante ikkadimanna kassenya buuxisiissate mootima kiirte uyiitino looso kiire qolate loosu harnshonna mixote jeefishsha yannase agadhitino garinni keena hasiissanota huwachishino.
Ledoteno aantete loosantano loossa kaajjado midaadonna laafa midaado bande fushshate mixote jeefishsha bada hasiissanota coyiirino.
Aliyye sidaami zoone poolisete biddishi mixote mixote latishshi handaari sooreesi I/r Kebbede Faggehunni 6 agani mixote jeefishshi ripoorte shiqqino.
2018 bajetete diri 6 agani loosu jeefishshi loosi giddo noo loosu milimilimo ikkado guma maareekisiissa dandiinoonita ripoortetenni shiqishshino.
Jaddote ,qortotenna tiraafiikete loosinni loosantino loossa amandidoonni mixo garini mitte mittenta ajishshate yine murci'nooni hedoni dayiino gumi mixote illacha ganinohanna noo mittiimma ajishate amandooni mixo garini ikkadu gumi leella dandiinota ripoortetenni shiqishinno.
Biddishu 2018 bajetete diri bocu diri giddo amandoonni mixo garinni anga ajjino maatere gallani mi'ne mi'ne aatte, dagate widira qolle shiqinshani qorophishu sokka,lamu goomi motore dagoomu aana abitano rakko ajishshate bikku aleeni hogonbani ikkito gargarate hedo cu'mishshiishshate loosi widoonni danchu gumi maareekisama dandiinota shiqqino ripoorteteni buuxate dandinoonni.
